O noso proxecto está tocando o seu fin. Que grande oportunidade tivemos durante todo o trimestre de aprender moitos novos contidos do noso arredor, da nosa Terra. Foi un período cheo de experiencias que estamos seguros serviron para afianzar máis os nosos coñecementos sobre este tema.
Traballamos o noso Portfolio dunha maneira diferente; dounos moito xogo para facer todo tipo de actividades, moito máis activas e divertidas. Quedounos un caderno repleto de exercicios interactivos, vivencias recollidas, resumos, debuxos, mapas mentais, autoevaluacións, metacognicións para reflexionar o aprendido, esquemas prácticos, entrevistas, lecturas, xogos, etc.
Experiencias dentro e fora da clase, en Ciencias pero tamén en Plástica nos axudaron a profundizar nos contidos, partes da Terra, Minerais, Rochas, Volcáns, Ríos, Sostenibilidade do noso Planeta... Xa non asustan palabras coma Hidrografía, Hidrosfera, Geosfera, Atmósfera... e que un proxecto invita a querer saber cada vez máis!
Finalizamos este pasado xoves cun kahoot cos mellores resultados que podíamos ter, porque aprender e divertirse, é a mellor maneira de aprender!
Estamos preparados para dar resposta aos fíos conductores cos que iniciamos o trimestre:
Que temos baixo os nosos pés?
Onde podo dar un mergullo?
Como podemos facer a terra máis sostible?
Como será a Terra no 2222?
Parabéns!!
