VISITAMOS UN EXPERTO

Onte tivemos a ocasión de visitar no seminario menor a un experto en xeoloxía, que nos ensinou un montón de cousas sobre rochas e minerais.

Aínda que xa coñecíamos algunhas cousas sobre o tema, gracias a Fernando puidemos ver, tocar, oler, raiar e incluso probar diferentes rochas e minerais. Non cabe ningunha dúbida que a mellor maneira de aprender é a experimentación.

FACEMOS ESQUEMAS

O fin de semana tivemos que facer na casa uns esquemas sobre os minerais e as rochas. Estes esquemas utilizámolos hoxe para levar a cabo a técnica cooperativa 1,2,4. 

Ao comezar a clase cada un de nós visualizou os vídeos que tiñan o contido teórico sobre rochas e minerais mentras revisaba os esquemas que fixera na casa.

Ao rematar, por parellas puxemos en común os nosos esquemas cos do compañeiro do lado, intentando facer un único esquema coas ideas comúns.

Por último, cada parella puxo en común os seus esquemas coa parella de enfrente, de maneira que ao final, cada grupo elaborou un único esquema partindo das ideas propias e compartidas.

Aprendemos moito sobre rochas e minerais, pero tamén a abstraer nformación importante e a comunicarnos cos compañeiros compartindo ideas e aprendendo uns de outros.

VOLCÁNS

Hoxe traballamos sobre os volcáns, e que mellor maneira que facer o noso propio e experimentar como sería unha erupción volcánica.

Para rematar, autoavaliámonos cunha diana.

No seguinte enlace podedes ver un vídeo sobre o noso pequeno experimento

https://www.youtube.com/watch?v=9ImDeGdVdnE

AS FALLAS

Continuamos avanzando no proxecto e pouco a pouco imos aprendendo cada vez máis cousas. Hoxe estivemos coñecendo cousas sobre as placas tectónicas e as fallas.

Para aprendelo mellor utilizamos un pouco de marmelada e galletas. Así puidemos ver moito mellor cómo son os movementos diverxentes, converxentes e transformantes e como se pode chegar a formar novo solo, montañas ou terremotos. 

APRENDEMOS JUGANDO

Hoy en clase de matemáticas estuvimos divirtiéndonos un poco jugando mientras repasábamos los números romanos y las multiplicaciones

TERRA 2.0

Hoxe chegou un momento esperadísimo, facía días que preguntábamos cando comezaría o novo proxecto e por fin chegou o día!!

Cando entramos pola porta da escola xa sabíamos que algo diferente estaba pasando, e tan pronto como puxemos un pé nos pasillos quedamos abraiados. Pasillos e aulas decoradas, porfolios preparados e roles cooperativos listos!

                                      

                                     

                                     

Comezamos a nosa aventura adentrándonos nos secretos que esconde o noso planeta Terra, así que para comezar o noso desafío tivemos que atopar diferentes mapas da Terra. Unha vez os atopamos todos vimos que nos ensinaban a evolución dos continentes, desde a creación da Terra, pasando pola actualidade e incluíndo as prediccións futuras. A partir de estos mapas xa aprendimos por qué se foron modificando os continentes, polas placas tectónicas.

E como é habitual, unha vez rematado o desafío, comezamos coa metacognición inicial e o noso plan de equipo.

Sen ningunha dúbida foi un día do máis intenso e cheo de emocións

OS APARATOS DO CORPO HUMANO

Durante varios días estivemos aprendendo cousas sobre os diferentes aparatos do corpo humano. Así que decidimos explicarvos todo o que aprendemos, e ainda que estamos acostumados a poñernos diante das cámaras, sempre nos poñemos un pouquiño nerviosos cando gravamos, é por iso que podemos cometer pequenos fallos. Pero o máis importante de todo foi o ben que o pasamos aprendendo e traballando en equipo.

Esperamos que vos guste o noso traballo!

https://www.youtube.com/watch?v=5uHHIsOn2As&feature=youtu.be